Qyzylorda oblysynyń Qazaly aýdanynda «Rahmet» dep atalatyn áleýmettik dúken ashyldy. Bul jobany Áıteke bı kenti ákimi apparatynyń qoldaýymen aýdandyq jastar resýrstyq ortalyǵy qolǵa alyp otyr.
Jastar dúkenge turǵyndar ákelgen kıimder men turmystyq zattardy áleýmettik jaǵynan az qamtylǵan otbasylar balalaryna tabystaıdy.
Áleýmettik dúkenniń ashylýynda aýdandyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń basshysy Sovet Babanaev jastardyń jaqsy bastamasyna oń bolsyn aıtty.
Budan bólek «Birgemiz: Qamqor» jobasy aıasynda aýdandaǵy Aryqbalyq, Qumjıek aýyldyq okrýgterinde de osyndaı dúkender ashylǵan.