Elordada 2020 jylǵy 13 naýryzdan bastap №1 avtobýs parkinde jyljymaly quramdy zararsyzdandyrý jumystary bastaldy. Avtopark 70 baǵdar boıynsha qyzmet kórsetedi, onyń ishinde 40 qalalyq, 6 ekspress jáne 24 qala mańyna qatynaıtyn baǵdarlar bar. Jalpy avtobýstar sany 661 birlikti quraıdy.
Júrgizýshiler sońǵy aıaldamalarda kúnine eki ret avtobýstardyń ishin, ıaǵnı adam qoly tıetin jerlerdi: shyntaqshalardy, esik tutqalaryn, oryndyqtar men valıdatorlardy dezınfeksııalaıdy.
Tabletkalar «S-01» dep atalady. О́nim Qazaqstanda jasalǵan. Bul dezınfeksııalyq eritindi allergııany týdyrmaıdy jáne eshqandaı ıis shyǵarmaıdy.
Aýysym aıaqtalǵannan keıin baǵdarlar jýý ornyna kiredi, onda barlyǵyn kólik jýýshylar tazartady.
Búginde elorda qoǵamdyq kóligine 6 avtobýs parki qyzmet kórsetedi. Baǵdarlyq jeli 93 marshrýttan turady, onyń ishinde 63 qalalyq, 6 ekpress jáne 24 qala mańyna qatynaıtyn baǵdarlar bar. Kún saıyn 800-ge jýyq avtobýs jolǵa shyǵady. Qazirgi ýaqytta barlyq baǵdarlar bekitilgen kestege sáıkes qatynaıdy.
Avtobýstardyń sońǵy aıaldamalarynda dezınfeksııalyq eritindilermen zararsyzdandyrý úshin CTS kompanııasy elordanyń barlyq avtobýs parkterine hattar joldady.