Parlament Májilisiniń tóraǵasy Nurlan Nyǵmatýlın tótenshe jaǵdaıǵa baılanysty el basshylyǵy tarapynan qabyldanǵan keshendi sharalar azamattardyń densaýlyǵy men ómirin qorǵaýǵa baǵyttalǵanyn aıtty. Bul týraly ol Twitter paraqshasynda jazdy.
- Prezıdenttiń bastamasymen Qazaqstanda tótenshe jaǵdaı jarııalandy. El basshylyǵy tarapynan qabyldanǵan keshendi sharalar azamattardyń densaýlyǵy men ómirin qorǵaýǵa baǵyttalǵan. Ýaqytsha shekteý elimizde koronavırýstyń taralýyna jol bermeý úshin qajet, - dep jazdy Nurlan Nyǵmatýlın Twitter paraqshasynda.
Májilis Spıkeriniń aıtýynsha, jaǵdaı tolyqtaı baqylaýda. Alańdaýshylyqqa boı aldyrýǵa bolmaıdy. Nurlan Nyǵmatýlın, sondaı-aq, qazaqstandyqtardyń qalyptasqan jaǵdaıǵa joǵary jaýapkershilikpen qarap, óz densaýlyqtaryna basa kóńil bóletinine, aınalasyndaǵylardyń qaýipsizdigi úshin qajetti sharalardy qolǵa alatynyna senim bildirdi.