Eńbek jáne halyqty áleýmettik qorǵaý mınıstrligi Qazaqstan Respýblıkasynyń búkil aýmaǵynda 2020 jylǵy 16 naýryzdan 15 sáýirge deıin tótenshe jaǵdaıdyń engizilýine baılanysty azamattardyń ómiri men densaýlyǵyn koronavırýstan qorǵaý maqsatynda mınıstrliktiń Qoǵamdyq qabyldaý bólmesiniń jumysyn jáne azamattardy qabyldaýdy 2020 jyldyń 16 naýryzynan bastap ýaqytsha toqtatynyn habarlaıdy. Bul týraly mınıstrliktiń baspasóz qyzmeti habarlady.
Barlyq ótinishter mınıstrliktiń resmı ınternet-resýrsy, áleýmettik jelilerdegi resmı akkaýnttary, Qazaqstan Respýblıkasynyń «e-gov» elektrondyq úkimet portaly jáne Qazaqstan Respýblıkasy Prezıdentiniń vırtýaldy qabyldaý bólmesi arqyly elektrondyq túrde qabyldanady.
Sondaı-aq 8 7172 74 37 23 telefony boıynsha habarlasýǵa bolady.