«QTJ» UK» AQ aǵymdaǵy jyldyń qańtarynan bastap koronavırýstyń aldyn alý jónindegi erterek áreket etý sharalary qabyldanyp jatyr. Bul týraly «Qazaqstan temir joly» UK» baspasóz qyzmeti habarlady.
«QTJ» UK» AQ qyzmetkerleriniń COVID-19 koronavırýsymen aýyryp jatqany jónindegi kelip túsken BAQ saýaldaryna kelesini habarlaımyz:
Máskeý – Nur – Sultan jáne Frankfýrt – Nur – Sultan reısimen ushqan kompanııanyń birneshe qyzmetkeri ushaqta koronavırýspen aýyrǵan jolaýshylar bolǵandyqtan, olarǵa úı karantıni belgilengen.
COVID-19 boıynsha test olardyń indet juqtyrmaǵandyǵyn kórsetken. Deı turǵanmen, olar qazir úı karantıninde. Búgingi tańda «QTJ» UK» AQ koronavırýspen aýyrǵandar joq.
Aǵymdaǵy jyldyń qańtarynan bastap, «QTJ» UK» AQ koronavırýstyń aldyn alý boıynsha aldyn alý sharalary qabyldanýda ekendigin qosymsha habarlaımyz. Sonymen, 2020 jyldyń 1 aqpanynan bastap Dostyq stansııasyna deıin Almaty – Úrimshi jáne Nur – Sultan – Úrimshi jolaýshylar poıyzdarynyń júrý baǵyttary qysqardy.
Nur – Sultan qalasy boıynsha Qazaqstan Respýblıkasynyń Densaýlyq saqtaý mınıstrliginiń Taýarlar men kórsetiletin qyzmetterdiń sapasy men qaýipsizdigin baqylaý departamentimen birlese jolaýshylardan nemese qyzmet kórsetetin personaldan koronavırýs kúdigin anyqtaǵan kezde poıyz brıgadasy qyzmetkerleriniń is-áreketteri tártibin reglamentteıtin nusqama ázirlendi.
«Jolaýshylar tasymaly» AQ jolaýshylar poıyzdarynda kórneki aqparat jáne jadynama, fırmalyq jáne kommersııalyq poıyzdardyń mýltımedııalyq portaldarynda koronavırýstyń aldyn alý jónindegi beınerolıkter ornalastyrylǵan. Jol júrý barysynda zararsyzdandyrý quraldaryn qoldana otyryp 4 retten kem emes ylǵaldy tazartý júrgiziledi. Poıyzdarda aýrý anyqtalǵan jaǵdaıda zararsyzdandyrý quraldary, medısınalyq maskalar jáne ózgeleri (shúberek, shelek, esepke alý dápteri) qarastyrylǵan.
Sonymen qatar «QTJ» UK» AQ Qazaqstan temirjol vokzaldarynda koronavırýs taralýynyń aldyn alýda jáne qaýipsizdik sharalaryn qabyldaýda. Nur – Sultan, Almaty, Semeı qalalaryndaǵy jáne Dostyq stansııasy vokzaldaryna erekshe nazar aýdarylýda.
Atalǵan vokzaldardyń esepshileri, kezekshileri men ózge de qyzmetkerleri antıseptıktermen, qorǵanysh qolǵaptarymen, maskalarmen qamtamasyz etilgen. Sondaı-aq juqpaly indet belgileri bar tulǵalar anyqtalǵan jaǵdaıynda qaýipsizdik sharalary men is-áreketteri boıynsha qyzmetkerlerge nusqaýlyqtar ótkizilýde. Elimiz boıynsha vokzaldarda barlyq ǵımarattardy zararsyzdandyrýdy turaqty júrgizýge arnaıy jýý quraldarynyń jetkilikti qorymen qamtamasyz etilgen» delingen habarlamada.