Bul týraly Qasym-Jomart Toqaev Tótenshe jaǵdaıǵa baılanysty televızııa arqyly jasaǵan úndeýinde aıtty.
«Qoǵamdyq tártip qatań baqylaýǵa alynady. Kópshilik qatysatyn is-sharalar toqtatyldy. Kóptegen azamatymyzdyń aldaǵy mereke kúnderine oraı jospar quratynyn túsinemin. Degenmen, búkil halyqtyń densaýlyǵy úshin osyndaı sheshim qabyldap otyrmyz. Iri saýda nysandarynyń jumysyn shekteýge májbúrmiz. Biraq azyq-túlik dúkenderi, bazarlar óz jumysyn jalǵastyra beredi. Oıyn-saýyq ortalyqtary, kınoteatrlar, teatrlar, kórmeler jáne jurtshylyq kóp baratyn basqa da oryndar ýaqytsha jabylady» dedi el Prezıdenti.