Prezıdent Qasym-Jomart Toqaev koronavırýs pandemııasynyń jahandyq ekonomıkaǵa ákelgen teris yqpaly jaıynda pikir bildirdi.
- Koronavırýstyń jahandyq ekonomıkaǵa teris yqpalynyń kýási boldyq. Is júzinde áńgime búkil álemdik ekonomıkalyq júıeni qaıta qurý týraly bolyp otyr. Qazaqstan bul orasan daǵdarystyń saldaryn sezinýde. Biraq ekonomıkalyq kataklızmge qaramastan, biz áleýmettik shıelenistiń ósýine, jumyssyzdyqqa jol bermeý úshin barlyq qajetti sharalardy qoldanamyz.
Elbasy Nursultan Ábishuly Nazarbaevtyń kóregen saıasatynyń arqasynda elimizdiń halyqaralyq rezervteri 90 mıllıard dollarǵa jetti. Bul bizdiń ekonomıkamyzdyń turaqtylyǵyn saqtaýdyń jáne memlekettiń áleýmettik mindettemelerin oryndaýdyń mańyzdy kepili, - dedi Memleket basshysy.