• RUB:
    6.68
  • USD:
    520.93
  • EUR:
    609.07
Basty saıtqa ótý
Aımaqtar 16 Naýryz, 2020

Oqýshylar demalysta, stýdentter qashyqtan oqytylmaq

355 ret
kórsetildi

Memleket basshysy Qasym-Jomart Toqaev stýdentterdi qashyqtan oqytýǵa, mektep oqýshylaryn 16 naýryzdan bastap merziminen buryn demalysqa jiberý týraly habarlaǵan bolatyn. 

Semeıde mektep oqýshylary merziminen buryn demalysqa shyqty, al stýdentter qashyqtan oqytylýǵa kóshti. Osy merzimde oqýshylardyń toqsandyq baǵalary qorytyndylandy. Semeı qalalyq Bilim bólimi barlyq basshylarmen keńes ótkizip, túsindirý jumystaryn júrgizdi. Atqarylatyn jumystar jáne koronavırýsqa qatysty sharalar týraly Bilim bóliminiń basshysy Natalııa Fesenko  aıtyp berdi:

- Sáýirdiń 5-nen keıin de balalar úıde qalatyn bolsa, biz baılanysý úshin ınternet arqyly aqparat jınaımyz. Balabaqshalar shtattyq rejımde jumys isteı beredi. Zararsyzdandyrý jumystaryn kúsheıtemiz. Antıseptık alý jaıly tapsyrma kelgen. Biraq ol qalada joq. Degenmen, mektepter qajetti jabdyqtarmen qamtamasyz etilgen. Qajetti mólsherden kóbirek jumsalsa, qosymsha alý jaǵyn qarastyramyz. Ájethanada sabyn, oramal bar. Ol jaǵynan tapshylyq joq. Kóptegen jeke menshik mekeme jumys isteýin jalǵastyrýda. Ata-analarmen túsindirý jumystaryn júrgizýdemiz jáne júrgize beretin de bolamyz, - dedi Natalııa  Fesenko.

Semeı aqparattyq ortalyǵynyń habarlaýynsha, qosymsha bilim berý úıirmeleri men seksııalar da jumys ýaqyttaryn shektedi. Mamandar demalys ýaqytynda ata-analarǵa balalardy qoǵamdyq oryndarǵa aparmaýǵa, sondaı-aq, asa qajettilik bolmasa qala syrtyna shyqpaýǵa keńes beredi.

 

SEMEI