Bul týraly Bilim jáne ǵylym mınıstri Ashat Aımaǵambetov Ortalyq kommýnıkasııalar qyzmetiniń alańynda aıtty.
«Kelesi másele - kolledjder men joǵary oqý oryndarynyń stýdentteriniń máselesi. Jalpy, barlyq kolledj ben joǵary oqý oryndary 16 naýryzdan bastap qashyqtan oqytý tehnologııalary negizinde bilim alýǵa kóshti. Oqý prosesi bekitilgen oqý júktemesine, josparyna, baǵdarlamasyna saı júrgiziletin bolady. Árıne, bizde búgin 790 kolledj bar, bári 100 paıyz biz bergen baǵdarlamalar elenip otyr dep aıta almaımyz, biraq basym kópshiliginde bul baǵdarlama bar. Bul baǵdarlamalarmen jumys istep jatyr, biz tıisti monıtorıngti júrgizip jatyrmyz. Muǵalimder de kontentin engizip, bul baǵdarlamamen osy jańa júıege beıimdelip jatyr dep aıta alamyz.
Al endi joǵary oqý oryndaryna keletin bolsaq, joǵary oqý oryndary úshin bul qashyqtan oqytý tehnologııasy óte tanys jáne de kúnde paıdalanyp júrgen quraldyń biri bolǵandyqtan jalpy qıyndyq týǵyzyp jatqan joq. Ýnıversıtetterdiń kóbi 16-na deıin qashyqtan oqytý júıesine kóship ketti. Qalǵan joǵary oqý oryndary búginnen bastap qashyqtan oqytý júıesine kóshti» dedi ol.