Jańaózen qalasynyń Polısııa basqarmasynda munaı uıymdarynyń, kásiporyndardyń basshylarymen kezdesý ótti. Maqsaty – salynǵan ákimshilik aıyppuldardy májbúrlep óndirip alý týraly zańdy túsindirý. Bul týraly Mańǵystaý oblystyq Polısııa departamentiniń baspasóz qyzmeti habarlady.
Aıta ketý kerek, eki aı ishinde polısııa qyzmetkerleri QR ÁQBtK-de qarastyrylǵan ákimshilik quqyq buzýshylyqtar úshin jalpy somasy 33 mln. 26 myń 727 teńgege 5 600-den astam hattama toltyryldy. Onyń ishinde 20 mln. 520 myń 803 teńge somasyna 2 600-den astam hattama óndirildi.
Kezdesý barysynda Ákimshilik polısııa bóliminiń qyzmetkerleri aıyppuldardy ýaqtyly tólemeý, tólemegeni úshin jaýapkershilik, osy jaǵdaıda qoldanylǵan sharalar sııaqty máseleler kóterildi. Eger tulǵa aıyppuldaryn tólemegen jaǵdaıda jeke shottary buǵattalyp, avtokólikteri aıypturaqqa jabylatyny týraly polısııa eskertip aıtty.
Kezdesý qorytyndysy boıynsha taraptar JQE quqyq buzýshylyqtyń aldyn alý boıynsha birlesken jumysty odan ári jalǵastyrý qajettigin atap ótti.
Aıyppuldary bar turǵyndardyń qaperine beretin jaıt, salynǵan aıyppuldy jeti kún ishinde 50 paıyzy, ne tolyq somasyn 30 kún ishinde tóleýge bolady.
Mańǵystaý oblysy