Elimizde 16 naýryz ben 15 sáýir aralyǵynda engizilgen tótenshe jaǵdaıǵa oraı halyq kóp jınalatyn fıtnes-ortalyqtar, kınoteatrlar men mýzeıler, basqa da kóńil kóteretin mádenı oryndardaǵy sharalar onlaın túrinde ótetin boldy. Abaıdyń qoryq-murajaıy ókilderi respýblıkada birinshi bolyp onlaın-leksııa, 3D saıahattar ótkizýdi qolǵa aldy. Bul jaıynda mýzeıdiń resmı saıtynda jarııalandy dep habarlady Semeı aqparattyq ortalyǵy.
Abaıtaný kabıneti men aqyn mýzeıiniń arasyndaǵy shyǵarmashylyq baılanysty damytý maqsatynda Abaı aýdanynyń mektep-lıseıi beınesabaq uıymdastyrdy. Tanymdyq sabaq aıasynda mýzeı dırektory Jandos Áýbákir oqýshylarǵa hakimniń ómiri, ádebı murasy, aqyndyq aınalasy týraly baıandap, balalardy mýzeıdiń qundy jádigerlerimen tanystyrdy. Osyndaı jumystar aldaǵy ýaqytta da jalǵasatyn bolady.
Búgingi kúni onlaın-ekskýrsııalar ótkizý tájirıbesi AQSh pen Eýropanyń iri mýzeılerinde ótkiziledi. Onda leksııalar uıymdastyrylyp, oıyndar, 3D saıahattar ınternet resýrstary arqyly uıymdastyrylady.
SEMEI