Jyl basynan beri qazaqstandyqtarǵa 35,2 mlrd teńge somasynda múgedektigi boıynsha memlekettik áleýmettik járdemaqylar jáne asyraýshysynan aıyrylý jaǵdaıy boıynsha áleýmettik tólemder tólendi.
2020 jylǵy qańtar-aqpan aılarynda respýblıkalyq bıýdjetten múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqy tóleýge 29 mlrd teńge bólindi.
2020 jylǵy 1 naýryzdaǵy jaǵdaı boıynsha múgedektigi boıynsha memlekettik áleýmettik járdemaqy alýshylar sany 523 115 adamdy, asyraýshysynan aırylý jaǵdaıy boıynsha – 164 191 adamdy qurady.
2020 jylǵy 1 naýryzǵa múgedektigi boıynsha memlekettik áleýmettik járdemaqynyń ortasha mólsheri 43 940 teńgeni, asyraýshysynan aırylý jaǵdaıy boıynsha – 36 464 teńgeni qurady.
Budan basqa, mindetti áleýmettik saqtandyrý júıesine qatysýshylar Memlekettik áleýmettik saqtandyrý qorynan osy tólemderdi ala alady.
Bul quqyqty 2020 jylǵy 1 naýryzdaǵy jaǵdaı boıynsha eńbek etý qabiletinen aıyrylǵan – 79 014 adam, asyraýshysynan aıyrylǵan – 45 331 adam paıdalandy. Bul rette áleýmettik tólemderdiń ortasha mólsheri eńbek etý qabiletinen aıyrylý boıynsha – 24 804 teńgeni, asyraýshysynan aıyrylý boıynsha – 24 881 teńgeni qurady.
Memlekettik áleýmettik saqtandyrý qorynan osy áleýmettik tólemderdi júzege asyrýǵa barlyǵy 6,2 mlrd teńge kózdeldi.