Koronavırýs pandemııasynyń taralýyna baılanysty el aýmaǵynda engizilgen TJ rejimi boıynsha oblystaǵy oıyn-saýyq, dámhana mekemeleriniń barlyǵy keshki 22.00-ge deıin jumysyn toqtatyp, esikterin qulyptaýy kerek. Tártipke baǵyndaǵandar zańmen jazalanatyny aldyn-ala eskertilgen. Alaıda eldegi ahýalǵa salǵyrt qarap, talapqa qulaq aspaıtyndar bar.
Máselen, keshe TJ rejiminiń saqtalýyn qadaǵalap júrgen tártip saqshylary kenshiler qalasyndaǵy «Qýanysh» kafesiniń belgilengen shekten tys ýaqytta jumys istep jatqanyn anyqtaǵan. Kafede saǵat 22.00-den keıin 20-dan astam adam bolǵan.
Qazir 31 jastaǵy kafe ıesi QR ÁQBtK-niń 476-baby boıynsha ákimshilik jaýapkershilikke tartyldy. Bap sanksııasy 10 AEK mólsherinde ákimshilik aıyppul nemese 15 táýlik merzimge qamaýǵa alýdy kózdeıdi, - dep habarlady Rýdnyı qalalyq IIB-niń baspasóz qyzmeti.
Qostanaı oblysy