Qazaqstan Respýblıkasynyń Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııasynyń 2020 jylǵy 17 naýryzdaǵy № 2 sheshimi boıynsha oblystardyń, Nur-Sultan, Almaty jáne Shymkent qalalarynyń ákimdikteri quziretterine sáıkes 2020 jylǵy 22 naýryz kúni saǵat 00:00 bastap avtomobıl kóliginiń barlyq túrimen jolaýshylar tasymaldaýdy toqtatýdy qamtamasyz etýi tıis. Al jolaýshylardy tranzıttik tasymaldaý Nur-Sultan jáne Almaty qalalary aýmaǵyna kirmeı júzege asyrylady, dep habarlady IIDM baspasóz qyzmeti.
2020 jylǵy 22 naýryz kúni saǵat 00:00 bastap Nur-Sultan jáne Almaty qalalaryna/qalalarynan avtomobıl kóligimen jolaýshylar tasymaldaý toqtatylady.
Eske sala keteıik, Qazaqstan Respýblıkasynyń Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııasynyń 2020 jylǵy 16 naýryzdaǵy sheshimine sáıkes Reseı, Qyrǵyzstan, О́zbekstan jáne Mońǵolııamen arada avtomobıl kóliginiń barlyq túrimen ekijaqty jolaýshy jáne júk tasymaldaý, sondaı-aq, Qazaqstan Respýblıkasynyń aýmaǵy boıynsha tranzıttik jolaýshylar tasymaldaý toqtatyldy.
Bul tyıym halyqaralyq qatynastaǵy júk avtokólik quraldarymen júk tasymaldaýǵa taralmaıdy.