Byltyr «Qazatomónerkásip» UAK» AQ tobyndaǵy shoǵyrlandyrylǵan kiris mólsheri 502,3 mlrd teńgege jetti. Bul kórsetkishke U3O8 (ýran oksıdi) naryǵyndaǵy spot baǵanyń ósýi (qolma-qol baǵa) jáne byltyrǵy AQSh dollaryna shaqqandaǵy teńgeniń álsireýi yqpalyn tıgizdi. Bul týraly ulttyq atom kompanııasynyń qarjylyq esebinde aıtylǵan.
2019 jyly kompanııa tobyndaǵy shoǵyrlandyrylǵan kiris mólsheri 502,3 mlrd teńgege jetti. Bul kórsetkishke U3O8 (ýran oksıdi) naryǵyndaǵy spot baǵanyń ósýi (qolma-qol baǵa) jáne byltyrǵy AQSh dollaryna shaqqandaǵy teńgeniń álsireýi yqpalyn tıgizdi. Aldyńǵy kezeńmen salystyrǵanda tómen dınamıkanyń edáýir úlesi toptyń quramyna «Inkaı» BK» JShS, «Qarataý» JShS, «Aqbastaý» AQ, sondaı-aq 2018 jyly «Baıken-U» JShS jáne «Horasan-U» JShS qosýmen baılanysty. Sáıkesinshe, atalǵan mámileler boıynsha 2018-2019 jyly taza kiristi 347,5 jáne 54,6 mlrd teńgege arttyrdy. Sondaı-aq byltyr birlesken operasııalarǵa baılanysty mindettemeler esepten shyǵarylyp, kiris 17,0 mlrd teńgeni qurady. Bul soma bastapqyda 2018 jyldyń qorytyndy esebinde eskerilgen edi. Nátıjesinde bul kórsetkish 2019 jyldaǵy taza kiriske áserin tıgizdi. Osy tabys 2018 jylǵy birlesken operasııalardan satyp alynbaǵan ýran kólemine tıesili. Ony kelesi kezeńderde de satyp alý qarastyrylmaǵandyqtan, bul mindetteme 2019 jyly esepten shyǵaryldy. Joǵarydaǵy túzetýlerdi eskere otyra taza kiris 2018 jyldyń qorytyndysymen salystyrǵanda 84%-ǵa ulǵaıyp, 142,1 mlrd teńgeni qurady.