Ulttyq basketbol lıgasyndaǵy (UBQ) «Boston Selıks» klýbynyń oıynshysy Markýs Smart óziniń tvıtterinde koronavırýs dertine shaldyqqany jaıynda jazdy.
– Osydan bes kún buryn men tekserýden óttim. Búgin túnde sonyń nátıjesi keldi. Ol jerde meniń koronavırýspen aýyratynym anyqtaldy. Qazir men ózimdi jaqsy sezinýdemin. Eshbir jerim aýyrmaıdy da, eshteńe de mazalamaıdy. Biraq jańaǵydaı jaısyz habardy estigennen soń oqshaýlanýdy jón kórdim. Jáne de jastarǵa da sondaı keńes berer edim. Koronavırýs qatardaǵy kóp syrqattardyń biri emes. Ol – naǵyz indet. Onymen birlese kúresken jaǵdaıda ǵana jeńe alamyz, - deıdi ataqty basketbolshy.
Sonymen qatar, «Los-Andjeles» klýbynyń taǵy eki oıynshysynyń koronavırýs juqtyrǵany anyqtalyp otyr. Alaıda komanda basshylyǵy tarapynan olardyń esimderi jarııa etilgen joq.