QAZAQSTAN TО́RAǴALYǴYNAN ÚMIT MOL

EQYU-nyń Is basyndaǵy tór­aǵa­sy, Qazaqstan Respýblıkasy­nyń Memlekettik hatshysy – Syrt­qy ister mınıstri Qanat Saýdabaevtyń Shyǵys Eýropada ornalasqan, bir-birimen japsarlas jatqan úsh memleketke – Belarýs, Ýkraına jáne Moldova respýblıkalaryna sapary bastaldy. Alǵashqy toqtaǵan el – Belarýste Is basyndaǵy tóraǵa osy el basshysy Aleksandr Lýkashenkomen, Syrtqy ister mınıstri Sergeı Martynovpen, Belarýs Ulttyq keńesi О́kilder palatasynyń tóraǵasy Vladımır Andreıchenkomen jáne saıası partııalar,  azamattyq qoǵam uıymdary ókilderimen kezdesýler ótkizdi. Belarýs jerine kóktem kelip býsanyp jatyr eken. Ushaqta otyryp-aq dıqan bitkenniń ty­nym­­syz tirligin bastaǵanyn ańǵar­dyq. Aq kórpesin jamylǵan Ar­qa­dan kóktem lebi esken Mınskige kelip túskende qasyma taıanǵan Be­la­rýs azamaty: “Sizder Qazaq­stan­nan emes­sizder me? Nege áýe­jaı­da “Qosh keldińizder!” degen jazý joq” – deıdi. “Siz qazaqsha bilesiz be?” desek: “Meniń týǵan jerim – Qa­zaq­stan. Qaraǵandyda týyp-ósken­min. Munda kelgenime 15 jyl bol­dy. Aralaryńyzda qa­raǵandylyqtar bar ma? Astanany Selınograd kezinde kórgenmin. Qazir Internet­ten dostarym ji­ber­gen sýretterden Astanaǵa tań­qalýdamyn. Elge sálem aıty­ńyz­dar”, degen aqjarqyn peıilimen saǵynyshyn jetkizgen burynǵy jerlesimizben kezdesý kóńilde jy­lylyq oıatsa, osy sezim Kedendik odaqtaǵy áriptes elge sapar barysynda esh tolastamady. Erteńgisin alǵashqy júzdesý EQYU-nyń Mınskidegi keńsesi­niń ǵımaratynda osy eldegi saıası par­tııalar men qoǵamdyq uıym­dar­dyń ókilderimen kezdesýden bas­tal­dy. EQYU-nyń Mınskidegi keń­sesiniń basshysy Benedıkt Haller Is basyndaǵy tóraǵanyń saparyna sáttilik tilep, alǵashqy sóz kezegin Qanat Saýdabaevqa usyndy. Qanat Bekmyrzauly elimizdiń tóraǵalyǵyna toqtala kelip: Biz elder arasyndaǵy jaqyndasý men túsinisýdi, Batys pen Shyǵys ara­syn­daǵy uǵynysý men úndesýdi da­mytýda ózimizdiń TMD mem­le­ket­teri­niń ujymdyq kandıdaty eke­nimizdi este ustaımyz. О́ıtkeni, bizdiń ortaq tarıhymyz, dilimiz bar, qysqasyn aıtqanda, bárimiz bir shınelden shyqqan eldermiz. Sondyqtan bir-birimizdiń prob­le­malarymyzdy, sheshimin tabýyn kú­tetin máselelerdi túp tamy­ry­nan tanımyz. Totalı­tarlyq júıe­den demokratııalyq qoǵam qurý ústindemiz. Bireýlerimizde demo­kra­tııanyń jedel júrgizilýi, bireý­lerimizde shabanyraq júrýi de zańdylyq. Al búgingi kezdesýde siz­derdiń EQYU jumysyna qatysty pikirlerińizdi estip bilý biz úshin mańyzdy, dep jınalǵandardy ashyq áńgimege shaqyrdy. Belarýstik saıası partııalar men azamattyq qoǵam ókilderiniń de kútkeni ashyq áńgime eken. Sal­ǵannan elderindegi demokra­tııa­lan­dyrý úderisterine, saıası júıeni lıberaldandyrýǵa qatysty olqy­lyqtar jaıyn qyzyna áńgimeledi. Qazaqstannyń halyqaralyq bedeli Uıym tóraǵalyǵyndaǵy qyzmeti­nen mol úmit pen senim kútetin­dik­terin jetkizdi. О́ıtkeni, sizderdiń syrtqy saıasattaǵy bedelderińiz, Batys pen Shyǵys arasyndaǵy tú­sinistikti qalyptastyrýdaǵy ju­mys­taryńyz bizderdi osyndaı oıǵa jeteleıdi, dedi olar. Máselen, Bi­rik­ken azamattyq partııa tóraǵa­sy­nyń orynbasary Iаroslav Ro­man­chýk elde EQYU bılikti qoldaıtyn jáne qoldamaıtyn barlyq par­tııalardyń únqatysý ótkizetin ala­ńyna aınalǵanyna toqtalyp, el­degi saılaýlar barysyn qatty syn­ǵa alsa, Belarýs prezı­dent­tigine osydan buryn eki ret túsip, endi úshinshi ret baǵyn synaýdan úmitker Lıberal-demokratııalyq partııasynyń tóraǵasy Sergeı Gaı­dýkevıch oǵan qarsy ýájin bil­dirgen. Joq, Belarýs mem­le­ketinde demokratııalaný úderisi úzdiksiz júrip keledi, ony tegis joq­qa shyǵarýǵa bolmaıdy, máse­le onyń qarqynynda, meniń soǵan kóńilim tolmaıdy dese, Kom­mýnıstik partııanyń tóraıymy Tatıana Golýbeva EQYU-nyń Is basyndaǵy tóraǵasynyń eldegi demokratııalaný úderisin bilgeni jón, biraq áriptester, biz osylaı bir-birimizdi synap, Is basyndaǵy tóraǵaǵa shaǵymdanǵanymyzben, biz úshin saıasatty lıberalızasııa­laý­­dy eshkim de júrgizbeıdi, nege biz ásheıinde bir ústeldiń basynda kezdesip, olqylyqtardyń ornyn toltyrýdy oılamaımyz. О́zimiz qanattasa qımyldasaq, sheshilmeı­tin dúnıe joq, degen pikirin ortaǵa saldy. Muny kópshilik te moıyn­daǵandaı syńaı tanytty. Budan soń Is basyndaǵy tóraǵa óz áriptesi, Belarýs Syrtqy ister mınıstri S.Martynovpen alǵa­shyn­da tek ekeýi ǵana júzbe-júz, so­ńynan keńeıtilgen quramda kez­desti. EQYU jumysynyń qaı ta­ra­pynda bolsa da júrgiziletin úde­risterge qatysýda belsendilik ta­nytýshy Belarýs atalǵan Uıym­nyń Vena­daǵy ekonomıkalyq-ekologııalyq komıtetiniń tóraǵasy retinde de kóptegen jumystar atqarýda. Kezdesýde taraptar EQYU aıasynda jáne ózge de baılanystar boıynsha eki eldiń úndese qımyl­daýynyń mańyzyna toqtaldy. Máselen, taýar tasymaldaýdaǵy ma­ńyzdy jol – teńizge shyǵý múm­kindigi joq eki eldiń de temir jol men avtokólik joldaryndaǵy qaýipsizdik máselesindegi úndes­tigi­niń basy ashyq. Sonymen birge, energetıkalyq qaýipsizdikte de Qa­zaqstan Belarýs memleketiniń atqaryp júrgen jumystaryna oń baǵa berip, Uıymnyń Mınskidegi keńsesi arqyly ony ári qaraı damytýǵa múddelilik tanytatyny­myzdy jetkizdi. Is basyndaǵy tór­aǵa áriptesin Almatyda bolatyn Syrtqy ister mınıstrleriniń sammıtine shaqyrdy. Ol yqy­laspen qabyl alyndy. Belarýs basshysy Aleksandr Lýkashenkomen júzdesý dos-jar adamdardyń kezdesýindeı, bir-birinen syr jasyrmas ashyq peıilde ótti. Prezıdent Kedendik odaqqa qatysty oılarymen bólis­kende biz tize qosa qımyldaýǵa kelis­kendikten, sol ustanymnan shyǵýǵa tıispiz, dedi. Shekara odaq elderi úshin ashyq bolýy kerek, al EQYU-ǵa múshe memleketter basshylarynyń sammıtine kelsek, ony ótkizý jaıynda jaqtaǵan da, qarsylyq tanytqan da pikirler bar ekenin bilemiz, Belarýs bul rette jáne ózge de Qazaqstan bas­tamashylyǵyna qatysty sharalar­da naǵyz dos ekenin tanytýǵa ázir. Eki qolymyzdy kóterip, sizderdi qoldaımyz, ıyǵymyzdy tosyp, taıanysh bolýǵa ázirmiz, dedi. Qanat Bekmyrzauly Belarýs basshysyna Qazaqstannyń Uıymǵa tóraǵalyǵy tusynda qoldaý kórse­tip kele jatqanyna alǵysyn bildi­rip, bizdiń el EQYU-ǵa múshe elder mem­leket basshylarynyń sammıtin sha­qyrý daıyndyǵyna kiriskenin aıtty. Sondaı-aq, jazda Almatyda syrtqy saıasat vedomstvolary basshylary­nyń beıresmı kezdesýi ótkiziletinin málimdep, Aleksandr Lýkashenkony Memleket basshylarynyń qatysýy­men bolatyn sammıtke shaqyrdy. Anar TО́LEÝHANQYZY – Mınskiden.