Qurmetti otandastar!
Barshańyzdy Ulystyń uly kúni – Naýryz merekesimen quttyqtaımyn!
Biz osy jarqyn meıramdy árdaıym asyǵa kútemiz.
Bul – tirshilik ataýly jandanyp, jer-dúnıe jańaratyn kezeń.
Bıyl biz Naýryzdy birinshi ret merekelik jıyndar men saltanatty is-sharalarsyz atap ótip jatyrmyz.
Onyń ózindik sebebi bar.
Búkil dúnıege taraǵan vırýs qaýpine tap boldyq.
Biraq kóktemniń kelýi men merekelik kóńil kúıge bólenýge eshteńe kedergi bola almaıdy.
Biz birtutas halyqpyz jáne elimizdi órkendetý jolynda jumyla jumys isteýge daıynbyz.
Elimizdiń aldynda turǵan barlyq synaqtardan aýyzbirlik pen tabandylyqtyń arqasynda súrinbeı ótetinimizge senimdimin.
Ultty uıystyrǵan dástúrli merekemiz barshanyń úmitin aqtap, jańa belesterdi baǵyndyrý úshin kúsh-qýat pen qajymas qaırat ákelsin.
Osynaý shýaqty meıramda árbir shańyraq shattyq pen ıgilikke tolsyn.
Barshańyzǵa yrys-yntymaq, densaýlyq pen baq-bereke tileımin!
Ulys oń bolsyn, aq mol bolsyn!