2020 jyldyń 20 naýryzynda Sorbonna-Qazaqstan ınstıtýty bizdiń eldegi Fransýz elshiligimen, Qazaqstan Respýblıkasynyń Tuńǵysh Prezıdenti - Elbasynyń Qorymen, «Izgilik elshisi» qoǵamdyq qozǵalysynyń eriktilerimen Halyqaralyq Frankofonııa kúnine arnalǵan beıne-konferensııa ótkizdi, dep habarlaıdy Abaı atyndaǵy QazUPÝ Qoǵammen baılanys jónindegi bólimi.
Jyl saıyn 20 naýryzda búkil álem boıynsha Halyqaralyq Frankofonııa kúninde álemniń 70-ten astam eli men júzdegen qalalarynyń qatysýymen kóptegen is-sharalar ótkiziledi. Fransýz tili álemde besinshi orynda jáne aǵylshyn tilimen qatar barlyq qurlyqtarda qoldanylady.
Onlaın-konferensııaǵa Abaı atyndaǵy QazUPÝ rektory Takır Balyqbaev, Qazaqstan Respýblıkasy Tuńǵysh Prezıdenti - Elbasynyń Qory atqarýshy dırektorynyń orynbasary, Qazaqstannan Eýropa Keńesiniń Venesııa komıssııasynyń múshesi Igor Rogov, Fransııadaǵy bizdiń elshiliktiń attashesi Jıl Mamets, Abaı atyndaǵy QazUPÝ Sorbonna-Qazaqstan ınstıtýtynyń dırektory, «Izgilik elshisi» eriktiler qozǵalysynyń jetekshisi, Qazaqstan Respýblıkasy Prezıdentiniń janyndaǵy Qoǵamdyq senim ulttyq keńesiniń múshesi Aınýr Sábıtova, Sorbonna-Qazaqstan ınstıtýtynyń teń dırektory Krıstın Býteıe qatysty. Onlaın-konferensııaǵa sonymen qatar Sorbonna-Qazaqstan ınstıtýtynyń oqytýshylary men stýdentteri qashyqtyqtan qosyldy. Is-sharanyń moderatory Aınur Sábıtova boldy. Abaı atyndaǵy Qazaq ulttyq pedagogıkalyq ýnıversıtetiniń rektory Takır Balyqbaev pen Fransııanyń Qazaqstandaǵy elshiliginiń attashesi Jıl Mamets onlaın rejımde quttyqtaý sóz sóıledi.
Igor Rogov «Fransýz zań mektebiniń Qazaqstannyń quqyqtyq júıesin qalyptastyrýǵa áseri» taqyrybynda baıandama jasap, fransýz zań mektebiniń qazaqstandyq quqyqtyq júıeniń qalyptasýyna, atap aıtqanda, Konstıtýsııaǵa áseri týraly aıtty. Elbasynyń bastamasy boıynsha Qazaqstanda «Astana» halyqaralyq qarjy ortalyǵy jumys isteıdi, onyń qoldanystaǵy zańy Anglııa men Ýelstiń zańdarynyń qaǵıdalaryna, normalaryna jáne presedentterine negizdelgen. Al Fransııada tájirıbe bar, atap aıtqanda Jerzeı men Gernezeı araldaryndaǵy Normandııa provınsııasynda aǵylshyn quqyǵy qoldanylady. Qazaqstandyq zańgerler kontınentaldy zańy bar eldiń aǵylshyn quqyǵyn qalaı qoldanatyndyǵyna qyzyǵýshylyq tanytty» dep atap ótse, Sorbonna-Qazaqstan ınstıtýtynyń fransýz tili muǵalimi H. Fates «Halyqaralyq dıplomatııadaǵy fransýz tiliniń róli týraly» baıandama jasady.
Beıne-konferensııa qazaqstandyq jáne fransýz qatysýshylarynyń úlken qyzyǵýshylyǵyn týdyrdy.
ALMATY