Qalalyq ákimdiktiń baspasóz ortalyǵynda ótken onlaın-brıfıngte Almaty qalasy ákiminiń orynbasary Saparbek Tuıaqbaev pen Básekelestikti qorǵaý jáne damytý komıtetiniń Almaty qalasy boıynsha departamenti basshysynyń orynbasary Arlan Qalýetov megapolıstegi kásipkerlik sýbektileriniń jumysy týraly, betperdeler men azyq-túlikti jetkizý, olardyń baǵa saıasaty týraly málimdedi.
Almaty qalasy ákiminiń orynbasary Saparbek Tuıaqbaevtyń aıtýynsha, megapolıste meıramhanalar men dámhanalardyń, sondaı-aq onlaın-dúkenderdiń jumysy kúsheıtilgen. Sonymen qatar qalaǵa azyq-túlik tasymaldaıtyn júk kólikterine «jasyl dáliz» uıymdastyryldy. Jalpy Almaty turǵyndaryn taǵam ónimderimen qamtamasyz etý úshin qalalyq rezervten qosymsha 5 mlrd teńge bólingen eken.
- Búginde qalaǵa syrttan keletin nemese syrtqa shyǵatyn azyq-túlik tasymaldaýshy kólikter men logıstıkalyq qyzmet túrlerine «jasyl dáliz» qamtamasyz etildi. Almatyda áleýmettik mańyzdy 19 túrli taýardyń túri bar. Azyq-túlikten tapshylyq bolmaıdy. Olar tıisti kólemde jetkiziledi. Barlyq ónimder Magnum jáne Small saýda jelileri arqyly satylady. Jekelegen kásipkerlermen baǵany kótermeý týraly túsindirý jumystary júrgizilýde. О́z tarapymyzdan turǵyndarǵa azyq-túlikti páterine nemese úıine deıin jetkizip berýdi qamtamasyz etetin mehanızmdi kúsheıttik, – dedi S. Tuıaqbaev.
Kásipkerlermen azyq-túliktiń baǵasy jáne ony jetkizý kólemi týraly osy jyldyń maýsym aıynyń sońyna deıin belgilenipti.Budan ózge dárihanalardaǵy betperde baǵasyna baqylaýdyń kúsheıtilgeni de aıtyldy. Qarapaıym betperdeniń baǵasy 87 teńge dep bekitilse, kómir fıltrli betperde 111 teńgemen satylýda. Ol úshin Almatyda 48 dárihana belgilendi. Barlyǵyna beınebaqylaý ornatyldy. Beınebaqylaýdaǵy jazba bir aıǵa deıin saqtalatyn bolady.
Aıta ketý kerek, búginde qalada fıtnes, spa-salondar, sulýlyq salondary men qoǵamdyq monshalar jumysyn tolyq toqtatty.
Baǵanyń negizsiz kóterilýi anyqtalǵan jaǵdaıda tıisti sharalar qabyldanady. Bul týraly Básekelestikti qorǵaý komıtetiniń Almaty qalasy boıynsha departamenti basshysynyń orynbasary Arlan Qalýetov málimdedi. Aıtýynsha, megapolıste monopolııaǵa qarsy zańnamany buzýshylyq faktilerin anyqtaý boıynsha jumystar júrgizilýde.
- Bizdiń departament áleýmettik mańyzy bar azyq-túlik ónimderiniń baǵasyn turaqtandyrý boıynsha keshendi sharalardy qolǵa aldy. Betperdeniń baǵasyn negizsiz kóterý faktileri boıynsha departament tarapynan naryq sýbektilerine qatysty tergeý jumystaryn júrgizýde. Bul boıynsha bizge kelip túsken shaǵymdar kóp, – dedi ol.
Suraqtar boıynsha 1406 jáne Open Almaty 1308 nómirleri boıynsha táýlik boıy call-center-ge habarlasyńyz. Kataraldy belgileri bar adamdar anyqtalǵan jaǵdaıda dereý qalanyń sanıtarlyq-epıdemıologııalyq qyzmetine táýlik boıy 382-33-50 telefony boıynsha habarlaý kerek.
Resmı aqparat Almaty qalasy ákimdiginiń resmı betterinde jáne áleýmettik jelilerde qoljetimdi. Qosymsha aqparat jedel túrde Telegram-stopcov Almaty arnasynda jáne Darmen mobıldi qosymshasynda ornalastyrylady.