Qalalyq mobıldilik basqarmasy sheshimimen karantın rejımi kezinde Almaty qalasyndaǵy qoǵamdyq kólik, atap aıtqanda avtobýs marshrýttary men metropolıten shtattyq rejımde jumys isteıdi.
Sońǵy apta ishinde jolaýshylar aǵymy 64%-ǵa tómendedi. Alaıda almatylyqtardy erkin tasymaldaý úshin avtobýstar josparly túrde 95% jolǵa shyǵyp júr.
Qala aralyq jáne qala mańy marshrýttary karantın kezine jumystaryn ýaqytsha toqtatty.
Aqparat úshin: Shyǵys Qazaqstan, Túrkistan, Qyzylorda, Soltústik Qazaqstan jáne Almaty oblysy baǵyttaryndaǵy 49 qala aralyq marshrýt, sondaı-aq qala mańynan qatynaıtyn 63 turaqty qala jáne qala mańy marshrýty ýaqytsha toqtatyldy (759 avtobýs). Qazirgi rejımge sáıkes qala syrtymen ótetin 6 turaqty qala marshrýtynyń syzbalaryna ózgeris engizildi (14, 16, 52, 115, 124,125, 208).
Avtobýstardy dezınfeksııalaý úshin sanıtarlyq óńdeýmen aınalysatyn eki kompanııamen kelisim jasaldy. Olar barlyq avtoparkterdegi avtobýstardy túngi ýaqytta dezınfeksııalaýmen aınalysady. Kúndiz sońǵy aıaldamalarda jyljymaly sanıtarlyq óńdeý beketteri jumys istep tur.
Metropolıten jumysy boıynsha, qazirgi kezde jolaýshylar aǵymy 70%-ǵa tómendedi. Alaıda metro jumysy shtattyq rejımde jalǵasýda. Depolarda vagondar tolyq dezınfeksııalanady.