Túrkistan oblysynda barlyq aýdandar jappaı betperde tigýdi qolǵa alyp, turǵyndarynyń suranysyn tolyq qamtamasyz etpek. Al Saıram aýdanyndaǵy «Altyn adam» jaýapkershiligi shekteýli seriktestigi betperdeniń birneshe túrin tigýge iri kólemde tapsyrys aldy. Munda 80-nen asatyn jumysshy kúnine 30 myń maska tigýdi josparlap otyr.
Aýdanǵa saparynda oblys ákimi О́mirzaq Shókeev sehtyń jumys barysymen tanysty. Seriktestiktiń qajettilikke qaraı maska mólsherin kóbeıtip tigýge múmkindigi bar. Sonymen qatar, nátıjeli jumyspen qamtý jáne jappaı kásipkerlikti damytý baǵdarlamasy aıasynda, ataýly áleýmettik kómek alýshylardyń arasynda qarjylaı kómek alǵan 65 tiginshi kúnine 5500 dana medısınalyq maska tigý jumystarymen aınalysýda. Aýdan ákimi Ulasbek Sádibekov qazirgi tańda 10 myńǵa jýyq az qamtamasyz etilgen azamattardy tegin medısınalyq maskamen qamtý sharalary júzege asyrylyp jatqanyn jetkizdi.
Qaýipti dertti anyqtap, onymen kúresýge dárigerler de daıyn. Oblys ákimi birneshe ret daıyndyq kýrstarynan ótken medısına qyzmetkerlerimen kezdesti. Jaqyn kúnderi paıdalanýǵa beriletin jańa emhanany aralap, dıagnostıka qory men oqshaýlaý, rezervti tósek-oryndardy tekserdi. Emdeý mekemesi jospar boıynsha kúnine 500 kelýshige eseptelgen. Aıtqan jerden aýlaq, qajettilik týyndaǵan jaǵdaıda jańa ǵımarat 100 tósek - oryndyq observasııalyq gospıtal retinde qyzmet kórsetedi. Medısınalyq mekeme tıisti dári-dármektermen tolyq qamtamasyz etilgen, mamandardan 4 brıgada jasaqtalǵan. Sondaı-aq aýdandyq aýrýhananyń dárigerleri Aqsýkent aýylynda ornalasqan «Mankent» temirjol stansasynda da kúndiz-túni qyzmet atqarýda.
Túrkistan oblysy