Sıfrlyq damý, ınnovasııalar jáne aeroǵarysh ónerkásibi mınıstrligi «Ulttyq aqparattyq tehnologııalar» AQ, Memlekettik tehnıkalyq qyzmet jáne baılanys operatorlarymen birlesip, memlekettik qyzmetkerlerdi aqparattyq júıelerge, onyń ishinde elektrondy poshta men elektrondy qujat aınalymyna qashyqtyqtan qosý úshin tıisti tehnıkalyq sheshimdi iske asyrdy. Bul memlekettik qyzmetkerlerge úıden shyqpaı, elektrondy qujat júıesindegi hat-habarmen jumys isteýge múmkindik beredi.
Atalǵan sheshim Prezıdenttiń eldegi tótenshe jaǵdaı kezinde memlekettik jáne kvazımemlekettik sektordaǵy barlyq qyzmetkerlerdiń 70%-yn qashyqtan jumys isteýge kóshirý týraly tapsyrmasyn oryndaý maqsatynda qabyldandy.
Tıisti mınıstrliktiń 150-den astam qyzmetkeri qajetti aqparattyq júıelerge, atap aıtqanda elektrondy poshta men qujat aınalymyna qosylý arqyly qashyqtan jumys isteýge múmkindik aldy. Sondaı-aq barlyq memlekettik qyzmetkerlerdi óz organdarynyń aqparattyq júıesine qashyqtan qosý jumystary bastaldy. Jumys kezeń- kezeńmen júrgiziledi. Búginde energetıka, ekologııa, densaýlyq saqtaý, eńbek jáne halyqty áleýmettik qorǵaý mınıstrlikterin aqparattyq júıelerge qosý jumystary oryndalýda. Onyń nátıjesinde taıaý ýaqytta 30 myńnan astam memlekettik qyzmetker úıden jumys isteýge múmkindik alady.
Osyny iske asyrý úshin baılanys operatorlary tıisti oryndarda baılanys arnalarynyń parametrlerin eskere otyryp, qajetti ınfraqurylymdy daıyndady. Salalyq vedomstvo mamandaryn qujat aınalymy júıesine qashyqtyqtan qosýdy uıymdastyrýda elektrondy qujat aınalymynyń biryńǵaı júıesi platformasynan bultty tehnologııalarǵa kóshý júzege asyrylmaq.