Venesııadaǵy karantınniń áserinen qaladaǵy kanaldar tazaryp, biregeı shahardyń tabıǵaty qaıta kórkeıe bastady.
Búkil álemdi dúr silkindirgen koronavırýstan keıin Italııanyń Venesııa qalasy karantınge jabylǵany belgili. Týrıster aıaǵy sırep, turǵyndar úıinen shyqpaǵan soń, sýda qalqyǵan shaharǵa qustar oralyp, uıa salǵan.
Sondaı-aq qala kanaldarynyń sýy tazaryp, móldirep, túbinde júzgen balyqtar kórinedi. Munyń sebebi mynada. Eń áýeli, qala kanaldarynda júretin motorly qaıyqtar toqtaǵan. Nátıjesinde sý laılanbaı, tunǵan. Osylaısha kanaldaǵy balyqtar kóringen. Muny baıqaǵan qustar shaharǵa oralǵan eken.
Budan bólek, týrısterdiń azaıýy da qala ekojúıesiniń jańǵyrýyna oń áser tıgizip otyr.