Qorǵanys vedomstvosynda Arys qalasy mańyndaǵy jumystar máseleleri boıynsha kezekti selektorlyq keńes ótti. Bul týraly mınıstrliktiń baspasóz qyzmeti habarlady.
Atalmysh keńeske Qorǵanys mınıstrliginiń basshylyǵy, Qarýly Kúshter túrleriniń bas qolbasshylary, óńirlik jəne ásker tekteri qolbasshylary, sondaı-aq Arys qalasyndaǵy tótenshe jaǵdaı saldaryn joıý jónindegi jedel shtabtyń basshylyǵy qatysty.
О́tken jyly Arys qalasynda qurylǵan jedel shtab basshylyǵy jumystyń barysy men nátıjeleri týraly baıandady. Mobıldi saperlik toptardyń shaqyrý jáne izdeý toptarynyń jumysy jalǵasýda. Kóktemgi egis alqaptaryn tazalaý jáne kóktem mezgili bastalysymen paıda bolǵan shuńqyrlarǵa zertteý júrgiziledi. Jergilikti turǵyndardyń tarapynan ınjenerlik-saperlik bólimshelerdiń jumysyna túsinistikpen qarap, qoldaý kórsetýi óz kezeginde alǵysty talap etedi. Olar qyraǵylyqty saqtaı otyryp, árdaıym tabylǵan belgisiz zattar týraly jedel shtabqa der kezinde habarlaıdy, jedel top árbir sıgnalǵa jaýap berip, shuǵyl túrde birinshi qońyraý boıynsha mınasyzdandyrý toptaryn jiberedi.
Tabylǵan oq-dáriler fragmentteriniń basym kópshiligi qaýip tóndirmeıdi.
Sondaı-aq, óńirdegi əskerı qalashyqtyń tirshilik áreketi men ınfraqurylymy tolyq qalpyna keltirildi.
Qorǵanys mınıstri general-maıor Nurlan Ermekbaev óńirdegi egis jumystarynyń bastalýyna, aýyl sharýashylyǵy alqaptaryn jergilikti turǵyndardyń múddesine tazalaýǵa negizgi kúsh-jigerdi baǵyttaýǵa baılanysty muqııat tazartý qajettigine nazar aýdardy.
Sonymen qatar, Arys qalasynda ornalasqan jeke quram arasynda koronavırýstyq ınfeksııanyń aldyn alý boıynsha mindetter qoıyldy.