Búgin Almaty qalasynyń ákimi Baqytjan Saǵyntaev tómendegideı sheshim qabyldady.
Tótenshe jaǵdaı saldarynan kommýnaldyq qyzmet aqysyn tóleı almaı otyrǵan Almaty turǵyndaryna boryshtaryn jyl sońyna deıin óteýge múmkindik berildi. Mundaı múmkindik koronavırýs indetine baılanysty jarııalanǵan karantınge oraı, kommýnaldyq qyzmetterdi ýaqytynda tóleýge múmkindigi joq qala turǵyndary úshin jasalyp otyr.
Búgingi kúnnen bastap karantındik jaǵdaıǵa baılanysty qıyn materıaldyq jaǵdaıǵa tap bolǵan tutynýshy telefon arqyly nemese elektrondyq saıttar arqyly qyzmet kórsetýshiniń esep aıyrysý bólimine habarlasyp, jyldyń naýryz jáne sáýir aılary úshin tólemderdiń merzimin uzarta alady.
Tólemder boıynsha keıinge qaldyrý tek jeke tulǵalarǵa sýmen jabdyqtaý jáne káriz júıesi úshin («Almaty Sý» MKK), jylytý jáne ystyq sýmen jabdyqtaý («Almaty jylý jelileri» JShS), elektr energııasy («Almatyenergosbyt» JShS), gazben jabdyqtaý («QazTransGaz Aımaq» AQ Almaty óndiristik fılıaly), telefon baılanysy («Almatytelekom» ATD) qyzmetteri boıynsha beriledi.
Iаǵnı, karantın kezinde kommýnaldyq qyzmetterge qaryzy bar turǵyndardyń elektr jaryǵy, sýy, jylýy men gazy ajyratylmaıdy. Sonymen birge aqysy tólenbegen telefon baılanysy da óshpeıdi.
Sondaı-aq jeke tulǵalar kommýnaldyq qyzmet aqysyn ýaqytyly tólemegeni úshin aıyppuldar salynbaıdy.
Tólemderdi keıinge qaldyrýdy rásimdeý úshin kásiporyndardyń call-ortalyqtarynyń myna nómirlerine habarlasýǵa bolady:
«AlTS»: +7 (727) 341-07-77, info@alts.kz
- +7 (701) 098-45-05, ortalyc@alts.kz – «Ortalyq» KQKO (Almaly jáne Bostandyq aýdandarynyń turǵyndary úshin);
- +7 (708) 249-87-79, batys@alts.kz – «Batys» KQ (Alataý, Áýezov jáne Naýryzbaı aýdandarynyń turǵyndary úshin);
- +7 (777) 969-84-46, shygis@alts.kz – «Shyǵys» KQ (Jetisý, Medeý jáne Túrkisib aýdandarynyń turǵyndary úshin);
«Almaty Sý»: +7 (727) 3-777-444, almatysu.kz jáne as-portal.kz;
«AlmatyEnergoSbyt»: +7(727) 356-99-99, 399-99-00, esalmaty.kz
«QazTransGaz»: +7 (727) 244-55-33, ktga.kz;
«Almatytelekom»: 160, +7 708 000-01-60, telecom.kz;
Tártip AQ: 7 (727) 344-19-19, +7 (727) 393-08-05, +7 (727) 393-08-03, tartyp.kz;«Almaty lıft»: +7(727) 390-28-19.
ALMATY