Úndistan úkimeti koronavırýstyń taralýyn shekteý úshin komendanttyq saǵat rejimin engizdi. El azamattary 14 saǵat boıy úıden shyqpaýy tıis. Bul týraly Reuters agenttigi habarlady.
Úndistannyń premer-mınıstri Narendra Modı el azamattaryn 01:30-15:00 aralyǵynda úıde otyrýǵa shaqyrdy. Úkimet basshysy bul sheshimdi indetpen kúreste búkil el úshin sheshýshi qadam jáne synaq dep atap ótti.
«COVID-19 qaýpimen kúreste kúshti soqqy bolatyn komendanttyq saǵatty engizdik. Biz qazir qabyldaıtyn sharalar bolashaqta bizge kómektesedi», dedi premer-mınıstr.
Búgingi tańda Úndistanda 332 naýqastyń vırýs juqtyrǵany anyqtaldy, 4 adam qaıtys boldy jáne 27 adam saýyǵyp ketti.