Nur-Sultan qalasynda karantın engizilýine baılanysty qalalyq Jedel shtab quryldy, onda qalada máselelerdi jedel sheshý úshin arnaıy toptar jumyldyrylǵan. Bul týraly ákimdiktiń baspasóz qyzmeti habarlady.
№ 5 top «Qala tirshiligin qamtamasyz etý» máseleleri boıynsha jumys jasaıdy, onyń quramyna kommýnaldyq jáne memlekettik mekemelerdiń jaýapty tulǵalary endi. Bul top qaladaǵy ózekti máselelerdi dereý sheshýge atsalysyp, túrli qyzmetterdiń toqtap qalý qaýpin azaıtýǵa yqpal etedi. Atalǵan jumys toby karantın ýaqytynda táýlik boıy jumys jasaıdy. Qalanyń tynys-tirshiligine qatysty suraqtar boıynsha (apattyq óshirý, elekr, sý jylýdyń bolmaýy) turǵyndar qalalyq iKOMEK109 ortalyǵyna (call-center 109) habarlasa alady.
Sonymen qatar, kelesi servıster boıynsha habarlasýǵa bolady:
- astana.gov.kz ákimdiktiń resmı saıty;
- iKOMEK109 (PlayMarket/AppStore) mobıldi qosymshasy;
- chat-bot Telegram (t.me/nursultanikomek109_bot);
- Smart Astana (PlayMarket/AppStore) mobıldi qosymshasy;
- aitu.city portaly.