Budan bylaı Almaty oblysynyń aýmaǵyndaǵy áleýmettik dúkenderde 1 kg unnyń baǵasy 130 teńgeden satylady. Jáne alyp satarlyqtyń aldyn alý maqsatynda qatań baqylaý jasalyp, ár satyp alýshyǵa bir qaptan artyq bosatylmaıdy.
Bul týraly Almaty oblysy ákiminiń orynbasary Serikjan Beskempirovtiń tóraǵalyǵymen ótken aýdan, qala ákimderiniń selektorlyq jıynynda aıtyldy. Jıynda azyq-túlik baǵasynyń turaqtylyǵyn qamtamasyz etý máselesi talqylandy. Endigi jerde ákimdikter un shyǵaratyn «Azııa Agro-fýd» kompanııasymen yntymaqtasa jumys isteıtin bolady. Sonyń nátıjesinde Almaty oblysynyń turǵyndary unnyń bir kelisin 130 teńgeden satyp alýǵa qol jetkizbek. Alypsatarlyqtyń aldyn alý maqsatynda ár adamǵa un tek bir qaptan satylady.
О́kinishke qaraı, tótenshe jaǵdaı jarııalanǵaly beri aımaqta azyq-túlik baǵasy kúrt qymbattap ketken. Júrgizilgen monıtorıng barysynda keıbir aýdandarda qant, kúrish, kartop pen súttiń baǵasy óskeni baıqalǵan. Osyǵan baılanysty ákim orynbasary jaýapty adamdarǵa azyq-túlik baǵasyn jiti baqylaýdy tapsyrdy.
- Keıingi kezde bazarda, dúkenderde qoldan jasalǵan dúrligý oryn aldy. Osyny paıdalanyp, keıbir jaýapsyz saýdagerler baǵany ósirgen. Búgingi kúni óńirde áleýmettik mańyzdy taýarlar jetkilikti, alańdaýǵa negiz joq. Azyq-túlik baǵasynyń ósýine ár ákim derbes jaýap beretin bolady, sondyqtan bul máseleni erekshe nazarda ustaýdy tapsyramyn. Aýdandar bir-birimen yntymaqtasa jumys isteýi kerek. Mysaly, Raıymbek aýdanynda kartoptyń, Balqash aýdanynda kúrishtiń, Qaratal aýdanynda pııazdyń qory bar. Nege ózara taýar almasyp, baǵany turaqtandyrýdyń jolyn qarastyrmasqa?, - dedi oblys ákiminiń orynbasary Serikjan Beskempirov.