Memleket basshysy Qasym-Jomart Toqaev tótenshe jaǵdaı jónindegi memlekettik komıssııanyń otyrysynda birinshi kezektegi suranystaǵy taýarlardyń baǵasy qatań baqylanatynyn aıtty.
«О́kinishke oraı, osyndaı syn saǵatta alypsatarlyqpen aınalysqandardyń faktisi tirkelip otyr. Tıisti organdar mundaı áreketterdi anyqtap olardyń jolyn kesetin bolady. Bul jumysty júıelendirý úshin áleýmettik mańyzy bar taýarlardyń obektıvti qajetti tizbesin bekitý talap etiledi, ol úshin baǵalarǵa memlekettik retteýdi engizemiz», dedi Prezıdent.
Sondaı-aq Memleket basshysy óńirdiń árbir ákimi birinshi kezektegi suranystaǵy taýarlardyń bar-joǵyn naqty esepke alýdy atap ótti.
«Qazirgi kezde bıznespen jáne halyqpen jumys isteý mańyzdy. Birinshi kezekte halyqqa qajetti ónimder tóńireginde dúrbeleń men dúrligýge jol bermeý qajet. Ákimder taýarlardyń óńiraralyq aǵyndaryn baqylaý jáne jergilikti tapshylyqty boldyrmaý úshin ózara is-qımyldy jolǵa qoıý kerek. Úkimetpen birlesip jetkilikti qorlardyń bolýyn qamtamasyz etý, olardy sórelerge jetkizý tetikterin pysyqtaý, baǵany qatań baqylaý jáne alypsatarlyqty boldyrmaý qajet», dedi Qasym-Jomart Toqaev.