Memleket basshysy Qasym-Jomart Toqaev Tótenshe jaǵdaı jónindegi memlekettik komıssııanyń otyrysynda karantın kezinde barlyq ınternet-resýrstardyń qoljetimdiligi tegin bolýy tıis ekenin atap ótti.
«Karantın engizilýine baılanysty halyqty úılerinde bolýǵa shaqyrdyq. Adamdar qashyqtan jumys isteý kezinde mobıldi tehnologııalardy barynsha belsendi paıdalanady. Sol sebepti tótenshe jaǵdaı rejımi kezinde mobıldi baılanys pen ınternetke, ásirese, bilim berý resýrstaryna, áleýmettik jeliler men messendjerlerge qoljetimdilikti keńeıtýdi tapsyramyn. Qazaqstandyq barlyq ınternet-resýrstardyń qoljetimdiligi tegin bolý tıis», dedi Prezıdent.
Sondaı-aq Qasym-Jomart Toqaev tótenshe jaǵdaı rejımi kezinde qaryz paıda bolǵan kúnniń ózinde baılanys qyzmetterin paıdalaný jalǵasa beretinin aıtty.
«Buǵan deıin men karantın kezeńinde halyqqa kommýnaldyq qyzmetter tólemin tómendetý boıynsha tapsyrma bergen bolatynmyn. Almaty jedel áreket etip, tıisinshe sheshim qabyldady. Endigi kezkte Memlekettik komıssııa jalpyrespýblıkalyq júıeli sharalar ázirleýi kerek. Qazaqstan halqy bizden osyndaı sharalardy kútip otyr. Búgin azamattarǵa meniń tapsyrmalarymdy tanystyrýǵa jáne olardy júzege asyrýǵa shuǵyl kirisýi tıis», dedi Memleket basshysy.