Tótenshe jaǵdaı kezinde tabysynan aıyrylǵandarǵa aı saıyn eń tómengi jalaqy mólsherinde járdemaqy beriledi. Bul týraly Memleket basshysy Qasym-Jomart Toqaev Tótenshe jaǵdaı jónindegi memlekettik komıssııanyń otyrysynda aıtty.
«Tótenshe jaǵdaı rejımi engizilýine baılanysty tabysynan aıyrylǵan adamdarǵa aı saıyn eń tómengi jalaqy mólsherinde (42 500 teńge) tólem jasaı bastaýdy tapsyramyn. Jalpy mundaı kómekti keminde 1,5 mıllıonnan astam adam alady. Qajet bolǵan jaǵdaıda somany arttyrýǵa jáne qoldaý túrlerin keńeıtýge barlyq rezervimiz bar. Memlekettik komıssııaǵa tólemderdiń tıimdi jáne ashyq tetigin ázirleýdi tapsyramyn», dedi Qazaqstan Prezıdenti.