Italııada tótenshe ekonomıkalyq jaǵdaıǵa baılanysty dárihanalar men azyq-túlik dúkenderinen basqa barlyq oryndar jabyq. Fabrıkalardan birinshi kezektegi qajetti ónimderdi óndiretin zaýyttar ǵana jumys isteıdi.
Sondyqtan elde adam qozǵalysy azaıdy. Qoǵamdyq kólik jumysy 75%- ǵa qysqartylyp, temir jol qatynasy shekteldi.
Qazir koronavırýstyń taralý sany boıynsha Italııa kósh bastap tur. Munda indetten kóz jumǵandar sany Qytaıdyń kórsetkishinen asyp tústi. О́tken táýlikte Italııada 651 naýqas qaıtys boldy. Koronavırýs qurbandarynyń jalpy sany 5500-ge jýyq.
«Biz vırýstyń odan ári taralmaýy úshin qajetti sharalardy kúsheıtýimiz qajet», dedi Italııanyń Azamattyq qorǵanys basshysy Andjelo Borellı.
Biraq sarapshylardyń pikirinshe, Italııa bul indetti óz betinshe jeńe almaıdy. Barlyǵy, sonyń ishinde armııa jumyldyrylǵan, biraq bul jetkiliksiz.
Italıandyq aýrýhanalardyń medısınalyq qyzmetkerleriniń shamamen 20%-y vırýs juqtyrǵan. Dárigerlerdiń jetispeýshiligi baıqalýda. Osyǵan baılanysty Italııaǵa birqatar memleket kómek qolyn sozatyn boldy. Sonyń ishinde Reseı áskerı medısına qyzmetkerlerin jiberetinin habarlady. Sondaı-aq ótken demalys kúnderi Lombardııaǵa Kýbadan dárigerler brıgadasy keldi.