Prezıdent Qasym-Jomart Toqaevtyń tótenshe jaǵdaı jónindegi memlekettik komıssııasy otyrysynda bergen tapsyrmalaryn oryndaý úshin Almaty qalasynyń ákimdigi kommýnaldyq menshik obektileriniń jaldaý tólemderin esepteýdi toqtata turý týraly sheshim qabyldady.
Osylaısha, bıylǵy jyldyń 20 naýryzynan bastap múliktik jalǵa alý kelisimshartyn jasaǵanjalǵa alýshylarǵa 3 aı merzimge jaldaý esebitoqtatylady.
Bul rette jalǵa alý tólemin toqtata turý Almaty qalasyndaǵy tótenshe jaǵdaı jarııalanǵan jáne karantınge baılanysty jalǵa alý tólemderin ýaqytyly tóleýge múmkindigi joq shaǵyn jáne orta bıznes sýbektilerine ǵana beriledi.
Bul sharalar kásipkerlik sýbektilerine jumys oryndaryn saqtaýǵa jáne eńbekke aqy tóleýdiń turaqtylyǵyn qamtamasyz etýge múmkindik beredi.
Anyqtama úshin «Almaty qalasynyń memlekettik aktıvter basqarmasy» KMM-niń myna telefon nómirleri boıynsha habarlasýǵa bolady: + 7 (727) 390-18-30, + 7 (727) 390-18-24.