Qyrǵyzstannyń Bishkek, Osh, Jalalabad qalasy, Osh oblysynyń Nookat jáne Kara-sýý aýdany, Jalalabad oblysy Sýzak aýdanynda 25 naýryz ben 15 sáýir aralyǵynda koronavırýsqa baılanysty tótenshe jaǵdaı jarııalanady.
Sooronbaı Jeenbekov álemdegi qıyn jaǵdaıdy, sondaı-aq elde koronavırýs ınfeksııasy qarqyny artyp kele jatqanyn atap ótti.
Osyǵan baılanysty prezıdent Bishkek, Osh jáne Jalal-Abad, Osh oblysynyń Kara-Sýı, Nookat aýdandarynda, Djalal-Abad oblysynyń Sozaq aýdanynda tótenshe jaǵdaı engizý týraly sheshim qabyldaǵanyn aıtty.
Prezıdent qol qoıǵan tıisti Jarlyqqa Jogarký Kenesh qoldaý bildirse, tótenshe jaǵdaı 25 naýryz saǵat 08.00-den bastap 2020 jyldyń 15 sáýiri saǵat 08.00-ge deıin engiziledi.
Atalǵan qalalar men aýdandardyń aýmaǵynda komendatýra quryldy.
Jeenbekov osy aýdandardaǵy sanıtarlyq-karantındik beketterden ótý kezinde azyq-túlik jáne basqa da taýar tasıtyn júk kólikterine basa nazar aýdarýdy tapsyrdy.
Azyq-túlik, dári-dármek tasyǵan kólikterdi blokbeketterden kezeksiz ótkizip jatyr. Basqa jaqta turatyn memlekettik organ qyzmetkerleri arnaıy ótkizý qaǵazynyń kómegimen ótedi.
23 naýryz kúngi derek boıynsha, Qyrǵyzstanda 16 adamnan koronavırýs tabylǵan: 7 er adam, 9 áıel.
Sondaı-aq Ázerbaıjan astanasy Baký qalasy koronavırýsqa baılanysty jabyldy. 19 naýryzda Baký men onyń mańyndaǵy Sýmgaıt qalasy jáne Apsheron aýdanyna kólikterdiń kirýine tyıym salyndy. Blokpostardan tek jedel járdem jáne qutqarý qyzmeti, júk, polısııa kólikteri ǵana óte alady. Shekteý sharasy keminde 29 naýryzǵa deıin kúshinde bolady.