Osy bir qıyn shaqta el ishindegi eriktiler muqtaj jandardy nazardan tys qaldyrmaı, qamqorlyqtaryna alyp otyr. Janashyrlyqtary mol jastardyń jaqsy isi kópke ónege bolýǵa ábden laıyqty.
Erikti jastar oblys ortalyǵyndaǵy júrip-turýy qıyn nemese syrqat meńdegen qarııalardy qamqorlyqtaryna alyp otyr. Olar azyq-túlik paketteri men dári-dármekterin egde adamdardyń páterlerine jetkizip berýde. Emhanada esepte turatyn atalar men ájelerge qajetti dári-dármekti qaladaǵy dárihanalardan satyp alyp, mekenjaılaryna jetkizedi. Qazir mundaı janashyrlyq is-áreket oblystyń barlyq aýdandarynda qolǵa alynǵan. Naqtylap aıtsaq, eriktiler eki myńnan astam qarııalarǵa qollǵanat bolyp otyr. Aýyldyq jerlerde aýlalardy qardan tazalaý, qarǵyn sý aǵyp ketý úshin or qazý tárizdi jumystar da atqarylýda. Qazirgi sátte tazalyq basty nazarda. Jalyndy jastar qarııalar turatyn úılerdiń mańaıyn tazalaýǵa da at salysyp júr. Izgi nıettiń arqasynda kembaǵal qarttar qıyndyqpen jalǵyz alyspaıtynyn sezinip, aq alǵystaryn jaýdyrýda. Dittegen jerine jetken qamqorlyqtyń ózi kóńil jadyratady emes pe.
–Osy bir qarııalardyń kóńilin kóteretin qolǵabyspen birge qaladaǵy saýda oryndary men kópshilik jınalatyn jerlerde ártúrli eskertpeler jazylǵan paraqshalardy taratyp, adamdardy saqtanýǵa úndep júr,–deıdi Aqmola oblystyq jastar resýrstary ortalyǵynyń basshysy Anargúl Belgibaeva,–oǵan qosa «Meniń úıim – meniń densaýlyǵym» chellendjin daıyndadyq. Qala turǵyndary kópqabatty úıleriniń kire beristerin tazalap, saqtanýda.
Birlik bekem bolsa, yntymaq ta ulǵaı túsedi.
Aqmola oblysy