23 adam oqshaýlandy

Oblystyq taýarlar men kór­setiletin qyzmetterdiń sapasy men qaýipsizdigin baqylaý depar­tamentiniń basshysy Muhamǵalı Aryspaev óńir turǵyndarynan tótenshe jaǵdaı rejimin buzǵan dúken-kafeler týraly aqparatty 87000109109 nómirine Whatsapp jelisi arqyly jiberýdi surap, málimdeme jasady.

– Tótenshe jaǵdaıǵa baılanysty óńirde áleýmettik mańy­zy bar azyq-túlik baǵasy ósip ket­peýi úshin júıeli jumys júr­­gizip jatyrmyz. Kásipkerlik nysan­darymen tyǵyz qarym-qaty­nas ornattyq, taýar baǵasy ba­qy­laýda. Tótenshe jaǵdaıdyń alǵashqy kúnderi, ıaǵnı ótken aptada Oral qalasynda kartop baǵasy óskeni ras. Keıbir azyq-túlik Oralǵa negizinen shet­e­lden keledi. Biz negizinen kóterme saýdamen aınalysatyn ká­sip­kerlermen jumys isteý­demiz. Qazir bári qalypqa keldi. Alańdaýǵa negiz joq, – deıdi ob­lystyq kásipkerlik jáne ın­dýs­trııalyq-ınnovasııalyq damý basqarmasy basshysynyń oryn­basary Maqsat Qulanbaev.

Batys Qazaqstan oblysy men Reseı Federasııasynyń arasynda Syrym, Tasqala, Shaǵan, Aqsaı, Jánibek jáne Orda dep atalatyn 6 avto­kólik ótkizý beketi bar. Ob­lys­tyq Memlekettik kiris depar­ta­menti eksportty ba­qy­laý bas­qar­masynyń basshysy Erbolat Ǵaıneshovtyń aıtýynsha, bul beketter shtattyq rejimde jumys istep tur. Úkimet qaýlysyna oraı kólik tasqyny negizinen Tasqala men Sy­rym shekara beketinen ótý­de. «She­karada kezekte turǵan kólik joq. Tótenshe jaǵdaı ja­rııa­­laǵan kezde táýligine 1300-deı kólik ótip, azdaǵan qarbalas bolǵa­ny ras. Qazir táýligine 800-deı avto­kólik ótýde.

Elimizde óte qajetti jeke medısınalyq qorǵanys qural­daryn shekaradan shyǵarmaý tapsyrylǵan bolatyn. Oblys aýmaǵyndaǵy keden beketterinde osyndaı úsh oqıǵa kezdesken. Reseı Federasııasy aýmaǵyna me­­dı­sınalyq qolǵaptardy, bas­­qa da jeke qorǵanysh qural­daryn kóp mólsherde alyp ót­pek bolǵan úsh avtokólik keri qaıtaryl­ǵan.

О́ńirde medısınalyq betperde tapshylyǵy áli sezilýde. Kóptegen dárihanadan betperde tabý múmkin emes. Alaıda M.Aryspaev Oral qalasynda 7 ká­sip­oryn medısınalyq maska tigýge kiriskenin, taǵy bir jer­gilikti fırma teri antıseptı­gin shy­ǵaryp jatqanyn aıtyp, tur­ǵyndar suranysy jýyq arada qa­na­ǵat­tandyrylatynyn aıtady.

Batys Qazaqstan oblysy