Nemisterdiń fýtbol lıgasy (DFL) koronavırýsqa baılanysty ýaqytsha toqtatylǵan Býndeslıga oıyndaryn 30 sáýirde qaıta jalǵastyrý jaǵyn oılastyryp jatqan syńaıly.
Árıne, ol úshin Germanııada koronavırýs indeti aýyzdyqtalyp, jaǵdaı turaqtalýy kerek. Aıtýly uıymnyń baspasóz qyzmeti bul jaǵyn da eskertti. Qazirgi kezde ÝEFA-nyń talaby boıynsha 30 maýsymǵa deıin Býndeslıga oıyndaryn aıaqtaý úshin jarys kúntizbesi qaıta jasalyp jatyr.
Esterińizge sala keteıik, Býndeslıga jarysy toqtatylǵanǵa deıin 25 týr artta qaldy. Ázirge Mıýnhenniń «Bavarııasy» shashasyna shań juqtyrmaı keledi. Olar 55 upaı jıyp otyr. Kósh basyndaǵy komandany «Borýssııa» ókshelep keledi. Dortmýndtyqtardyń «Bavarııadan» tórt upaıy kem. Sondaı-aq, odan keıingi oryndardy ıelenip otyrǵan ujymdar da bir-birimen úzeńgi qaǵystyryp keledi. Máselen, «Leıpsıgte» - 50, Menhengladbahtyń «Borýssııasynda» - 49 jáne Leverkýzenniń «Baıerinde» - 47 upaıdan bar.