Qıyn sátte bir-birine qol ushyn berip, qolǵanat bolý adamdardyń boıyndaǵy baǵaly qasıet. Kókshetaýlyq jeke kásipker Dına О́mirjanova da óziniń is-áreketi arqyly ózgelerge úlgi bolýǵa ábden laıyqty.
Otandastarymyzdyń boıynda adam janyn eljireter qanatty qamqorlyqqa toly ádemi qasıetterdiń kóptigi qýantady. Qınalǵan sátte jelep-jebeý jalǵyzilikti jandardyń ǵana emes, tórt qubylasy teń ózge de eldiń súıispenshiligin týǵyzyp otyr. Kókshetaýlyq taksı júrgizýshileri keıbir sátte jolynan qalyp bara jatqandardy tegin jetkizip salyp jatyr. Erikti jastar jalǵyzilikti jandardyń otbasyna azyq-túlik, dári-dármegin aparyp berýde. Munyń barlyǵy birlikti kórsetetin qareket. Al jeke kásipker Dına О́mirjanova keshe úsh myńnan astam maskany qala turǵyndaryna tegin taratty. Kásipker maskalardy oblys ortalyǵyndaǵy «Akaı» tigin atelesinen óz qarajatyna satyp alǵan.
Dınanyń aq adal nıetin uqqan adam onyń janashyrlyǵyna eriksiz súısinetindeı. Eger árkim dál osylaı óz jerlesterine qamqorshy bolsa, qazaqstandyqtardy eshbir indet qorqyta almaıdy. Birligi myqty eldiń tirligi de bekem emes pe?! Bekemdeı túsetin osy Dına tárizdi janashyr jandar.
KО́KShETAÝ