Túrkistan oblysynda koronavırýs juqtyrǵan jolaýshymen kelgen avtobýs jolaýshylary izdestirilip jatyr. Bul týraly coronavirus2020.kz portalynda jarııalandy.
"Nur-Sultan qalasynan Jetisaı qalasyna (Túrkistan oblysy) memlekettik nómiri 646 FNB 13 avtobýspen kele jatqan jolaýshylar koronavırýstyq ınfeksııaǵa taldaý jasaý jáne odan ári karantınge ornalastyrý úshin turǵylyqty jeri boıynsha 103 qyzmetke habarlasýy qajet nemese tirkelýi qajet" delingen habarlamada.
Qazirgi ýaqytta 51 jolaýshynyń 41-i tabyldy, barlyǵy stasıonarlyq karantınge jatqyzyldy.Eske salaıyq, 24 naýryz kúni keshke Shymkentte koronavırýstyq ınfeksııany juqtyrýdyń alǵashqy oqıǵasy anyqtaldy. 20 naýryz kúni naýqastyń Nur-Sultannan avtobýspen kelgeni belgili. Qazirgi ýaqytta ol qalalyq juqpaly aýrýlar aýrýhanasyna jatqyzyldy.
25 naýryzdaǵy jaǵdaı boıynsha Shymkentte eki adam koronavırýs juqtyrǵan. Búginde elde koronavırýs juqtyrǵandardyń sany 80-ge jetti.