Bul kúnderi shahmattan Reseıdiń Ekaterınbýrg qalasynda ótip jatqan Úmitkerler týrnıriniń jetinshi týry aıaqtaldy.
Osyǵan deıin jeke-dara kósh bastap kelgen 29 jastaǵy reseılik grossmeıster Iаn Nepomnıashıı jetinshi týrda óziniń qurdasy fransııalyq Maksım Vashe-Lagravtan utylyp qaldy. Al Fabıano Karýana (AQSh) men Van Hao (Qytaı), Dın Lıjen (Qytaı) men Kırıll Alekseenko (Reseı) jáne Anısh Gırı (Nıderland) men Aleksandr Grıshýk (Reseı) arasyndaǵy kezdesýlerde teń esep tirkeldi. О́te shıelenisti básekede Iаn Nepomnıashııdi utqannan keıin Maksım Vashe-Lagrav basty qarsylasyn qýyp jetti. 4,5 upaıdan oljalaǵan qos shahmatshy birinshi jáne ekinshi oryndardy ózara bólisýde. Fabıano Karýana, Anısh Gırı, Van Hao jáne Aleksandr Grıshýk 3,5 úpaıdan ıelendi. Al kósh sońynda qalyp qoıǵan Dın Lıjen men Kırıll Alekseenkonyń qorjynynda 2,5 upaıdan bar,
Júlde qory 500 myń evrony quraıtyn aıtýly jarys 3 sáýirge deıin sozylady. Osy týrnırde top jarǵan oıynshy Norvegııanyń ókili Magnýs Karlsenmen álem chempıony ataǵy úshin sheberlik baıqasý múmkindigine ıe bolady.