Elimizde jarııalanǵan tótenshe jaǵdaıǵa baılanysty Shymkent qalasyndaǵy birqatar nysandarda dezınfeksııalaý jumystary júrgizildi. Atap aıtqanda, ál-Farabı alańy, Orys drama teatrynyń mańaıy jáne Arbat demalys aımaǵynda saqtyq sharalary kúsheıtildi.
Jalpy, qalada medısına mamandary koronavırýstyń aldyn alý maqsatynda kúsheıtilgen jumys rejımde jumys isteýde. Dárigerler qaladaǵy HQKO-nyń 11 bólimshesinde kezekshilikke túsip, ortalyqqa kelgen azamattarǵa medısınalyq kómek kórsetýde. Munda sanıtarlyq-epıdemıologııalyq talaptar qyzmet talabyna saı júrgizilýde.
Shahardaǵy basqa da profılaktıkalyq sharalar qatańdatylǵan. Búgin Shymkent qalasyna kiretin-shyǵatyn avtojoldarda 12 sanıtarlyq beket qoıyldy. Qazirgi tańda Shymkenttegi polısııa men medısına qyzmetkerleri kúsheıtilgen rejımge kóshti. Mamandar ár kólikti toqtatyp, arnaıy qurylǵymen azamattardyń dene qyzýyn ólshep, tekserýde. Al Nur-Sultan jáne Almaty qalasynan Shymkentke kelgen turǵyndardy dárigerler emhanaǵa ýaqytsha tirkeýge shaqyrýda. Shymkent