Jalǵan sózdiń jarǵa jyǵatynyn jalpaq jurttyń bári biledi dep oılasańyz qatelesesiz. Bilmeıtinder de bar eken.
Bilmeıtinniń biri 56 jastaǵy Kókshetaý qalasynyń turǵyny. Ol mereke kúnderi tanysynyń úıine meıman bolyp barǵan. Dastarhan basyndaǵy áńgimede Ońtústik Koreıadan ushyp kelgen qazaqstandyqtardyń oblys ortalyǵyndaǵy emdeý mekemelerine ornalastyrylǵanyn estıdi. Álgi aqparattyń qanshalyqty shyndyq ekenine kóz jetkizbesten, sál boıaýyn qoıýlatyp, aýdıo jazba arqyly WhatsApp arqyly taratyp jibergen.
Endi mine basy pálege qalyp, zań aldynda jaýap bermek. Jalǵyz ózi ǵana emes, osy oqıǵaǵa baılanysty úsh zań buzýshynyń ústinen Qazaqstan Respýblıkasy Qylmystyq Kodeksiniń 274 baby boıynsha sotqa deıingi tergeý amaldary júrgizilýde.
Kókshetaý qalasy