Aqparat jáne qoǵamdyq damý mınıstri Dáýren Abaev «Habar 24» arnasyndaǵy onlaın rejımdegi baspasóz máslıhatynda elordada sońǵy táýlikte 14 adamnyń koronavırýsty qaıdan juqtyrǵanyn aıtty.
«Sońǵy táýlikte elordada indet juqtyrǵan 14 adam tirkeldi. Onyń ishinde 9-y karantınde stasıonarda bolǵandar. Úsheýi buryn tirkelgen adamdarmen baılanysta bolǵan azamattar. Bireýi 25 naýryzda Nur-Sultanǵa ushyp kelgen. Beseýi stasıonarda pnevmanııa kúdigimen ótkir JRVI-men jatqan naýqastar. Al qalǵandary – koronavırýs boıynsha jaǵdaı jaısyz elderden ushyp kelgenderdi qadaǵalaý barysynda anyqtaldy», - dedi Dáýren Abaev.
Onyń aıtýynsha, olardyń bári qazirgi ýaqytta ınfeksııalyq stasıonarǵa jatqyzylǵan. Qazir olarmen baılanysta bolǵandardy oqshaýlaý jumystary júrgizilýde.
«Sońǵy ýaqytta azamattardyń kóshege shyǵýyn tejeý boıynsha jıyrmaǵa tarta suraq kelip tústi. Bul suraq memlekettik komıssııanyń qaraýynda. Búgin komıssııa otyrysy ótedi. Nátıjesin BAQ-ta jarııalaımyz», - dedi ol.