Qyzylorda oblysy ákiminiń ókimimen Qaıratbek Sársenbaev oblystyq jumyldyrý daıyndyǵy basqarmasynyń basshysy bolyp taǵaıyndaldy.
Qaıratbek Áýbákiruly 1961 jyly týǵan. Jambyl gıdromelıoratıvtik-qurylys ınstıtýtyn ınjener-gıdrotehnık, Qorqyt Ata atyndaǵy Qyzylorda memlekettik ýnıversıtetin ekonomıst-býhgalter mamandyqtary boıynsha bitirgen.
Eńbek jolyn 1983 jyly Syrdarııa sýarý júıeleri basqarmasynyń ınjeneri retinde bastap, ár jyldary Syrdarııa aýdandyq ekonomıka jáne qarjy bóliminiń meńgerýshisi, aýdan ákiminiń orynbasary qyzmetterin atqarǵan.
2012-2017 jyldary oblystyq qarjy basqarmasyn, Shıeli aýdanyn basqardy. Sońǵy 3 jylda Jalaǵash aýdanynyń ákimi qyzmetin atqaryp keldi.