Jergilikti polısııa basqarmasynyń bastyǵy Qurmet Májikenovtyń aıtýynsha, oblysta tótenshe jaǵdaı rejimin buzǵan 19 dámhana men saýyq mekemesi ákimshilik jaýapkershilikke tartylǵan. Aldyn ala júrgizilgen túsindirý jumystaryna qaramastan, keıbir kásipkerler shekteý rejimine moıynsunbaı, belgilengen qaýipsizdik tártibin buzýyn tyımaı otyr. Máselen, 25 naýryz kúni oblysta tótenshe jaǵdaı rejimin buzǵan taǵy 5 dámhana anyqtalǵan.
Búgin polısııa TJ rejimin buzǵan meıramhanalar men kafelerdiń tizimin jarııalady. Tizimge Qostanaı qalasynan 8, Rýdnyıdan 2, Jitiqaradan 4, Tobyl qalasynan 1, Arqalyqtan 2, Amangeldi jáne B.Maılın aýdandarynan 2 kafe, meıramhana, oıyn-saýyq klýbtary sııaqty mekemeler engen.
Búginge deıin anyqtalǵan 19 kásipker QR ÁQBtK-niń 476-baby boıynsha ákimshilik jaýapkershilikke tartyldy. Bap sanksııasy 10 AEK mólsherinde ákimshilik aıyppul nemese 15 táýlik merzimge qamaýǵa alýdy kózdeıdi, - dep habarlady oblystyq PD-niń baspasóz qyzmeti.
Qostanaı oblysy