Jeti jumys kúniniń ishinde sheshiledi

Bul máselede eki nárseni jaqsy túsinip alǵan durys. Birinshisi, tótenshe jaǵdaı kezinde máj­búrli túrde jalaqysy saq­talmaıtyn demalysta bolýy­na baılanysty tabysyn joǵaltqan Qazaqstan azamattaryna tólem­der beriledi. Iаǵnı ol azamattar jumystan birjolata bosap ketken joq, qazirgi jaǵdaıǵa baılanys­ty jalaqysy tólen­beıtin demalysqa jiberilgen. Mundaı jaǵdaıda bir qyz­metkerge 42,5 myń teńge kóle­minde áleýmettik tólem beriledi. Ekinshisi, jumysynan bosa­tylǵan, jumyssyz qalǵan qyz­metkerlerge de aqsha tólenedi. Iаǵnı joǵalǵan kiristiń 40 paıyzy mólsherinde tólem beriledi. Tólem jasaýǵa baılanysty ár óńirde jáne respýblıkalyq mańyzy bar qalalarda arnaıy shtabtar qurylǵan. Ol shtabtarǵa jańa tólemdi alamyn deıtin jumys berýshiler, taǵy da qaıtalap aıtamyn, jumyskerlerdiń ózderi emes, tek jumys berýshiler ótinish beredi. Shtabtar ol ótinishterdi qarap, «Azamattarǵa arnalǵan úkimet» memlekettik korporasııasyna ótkizedi. Korporasııa tizimdegi azamattardyń qujat­taryn túgendep, tekserip, Memlekettik áleýmettik saq­tandyrý qoryna jiberedi. Tizimdegi azamattarǵa bul áleý­mettik tólemdi berýdiń durys nemese burys ekenin osy qor aıtady. Osy prosestiń barlyǵy 7 jumys kúniniń ishinde atqarylýy tıis.

Baýyrjan BEISENBAEV,

Eńbek, áleýmettik qorǵaý jáne kóshi-qon komıtetiniń basqarma basshysy