Keshe Qyzylordadaǵy bazarlar men saýda oryndarynda kelýshilerge medısınalyq betperdeler taratyldy. «Qyzylorda optomarket» saýda úıi 3000, «Mıras» saýda úıi 1000 danasyn taratty. Buǵan deıin «Ajar sıtı» saýda ortalyǵy da qat taýarǵa aınalǵan betperdeni tegin taratqan edi.
- Aldaǵy ýaqytta da bul aksııa qala aýmaǵyndaǵy 80-ge jýyq saýda úıi men 12 bazarda jalǵasady, – deıdi qala ákiminiń orynbasary Bektas Nurıdınov. Oblys ortalyǵynda qurylǵan jedel shtab qala kólemindegi halyq kóp shoǵyrlanatyn oryndarda túsindirme jumystaryn júrgizýmen qatar, indettiń aldyn alýǵa septigin tıgizetin osyndaı sharalardy da uıymdastyryp keledi.