Almaty qalasy jaqyn arada koronavırýsqa qarsy kúresý úshin qaladaǵy medısınalyq qyzmetkerler, sondaı-aq shetelden kelgen karantındik azamattardy shaharda ornalastyrý úshin qonaq úı jetispeýshiligi problemasyna tap bolýy múmkin.
Bul týraly Instagram men Youtube paraqshasynda belgili qazaqstandyq bloger jáne bıznesmen Beıbit Álibekov habarlady. Osyǵan baılanysty ol jeke qonaq úıler men otelderge ıelik etetin barlyq qazaqstandyqtarǵa Almaty qalasyn qazirgi qıyn ýaqytta qoldaýǵa jáne karantındik qaýipsizdikti qamtamasyz etý úshin óz qonaq úılerinen oryn berý týraly úndeýge qoldaý kórsetýge shaqyrdy.
- Eldegi jaǵdaı bizdiń árqaısymyzdan kúsh biriktirýimizdi jáne tez áreket etýimizdi talap etedi. Qonaq úılerdiń ıeleri qalany qoldaý arqyly vırýsty jyldam jeńýge jáne qalypty ómirge oralýǵa kómegin tıgizedi, - dep atap ótti óz úndeýinde Beıbit Álibekov.
Buǵan deıin Nur-Sultan qalasynda koronavırýspen kúresý úshin qonaq úıden oryn berý bastamasyn qazaqstandyq kásipker Aıdyn Rahymbaev kótergen bolatyn.
Almaty ákimdigi qaladaǵy medısınalyq qyzmetkerler men azamattardy ornalastyrý úshin materıaldyq ótemaqy bólýge daıyn ekenin aıtqan bolatyn. Bul daǵdarys kezinde kóptegen qonaq úıler bos turǵan shaqta jáne olardyń qyzmetkerleri jalaqysyz qalǵan ýaqytta qonaq úı ıeleriniń bıznesin qoldaýǵa óz septigin tıgizbek.
ALMATY