Tótenshe jaǵdaıǵa baılanysty keıbir kólik tasymaldary jabylyp, keıbiri keıinge shegerilýde. Osyǵan baılanysty Indýstrııa jáne ınfraqurylymdyq damý mınıstrligi, Qazaqtelekom jáne Densaýlyq saqtaý mınıstrligi birlesip www.ismet.kz saıtynda jańadan ınteraktıvti karta jasaý arqyly kólik qozǵalysyn onlaın qaraýǵa múmkindik týǵyzdy. Bul týraly búgin Densaýlyq saqtaý vıse-mınıstri Oljas Ábishev mınıstrliktiń arnaıy ókili Dıas Ahmetsháripke bergen suhbatynda aıtty.
«Halyq úıden shyqpaı-aq barlyq kólik qozǵalysyn onlaın qaraı alady. Onda áýe reısteri, temir jol, avtokólik tasymaly boıynsha aqparattar qamtylyp qana qoımaı, qandaı blok-posttar bar, olar qaı jerde ornatylǵan, odan ótý úshin qandaı qujattar kerek, qandaı kólikpen kirýge bolady degen aqparattardy da alýǵa bolady. Bul resmı saıt», dedi Oljas Ábishev.
Sonymen qatar «Kólik aqparat» paraqshasynda shuǵyl jeli nómirleri de bar. Olar ortalyq shuǵyl jeli, oblystar men qalalar boıynsha call-ortalyqtar bolyp bólingen. Kartamen myna silteme boıynsha tanysýǵa bolady: https://www.ismet.kz/ru/coronavirus